კურსი “ლიტერატურული წერა“

ხანგრძლივობა – 16 საათი

კურსის მიზანი -კურსი მიზნად ისახავს, იმ ადამიანებს, რომლებიც დაინტერესებულნი არიან, ლიტერატურულ (და მის მომიჯნავე) ჟანრებში შეასწავლოს მხატვრული ნაწარმოებების კლასიკური სტრუქტურა, გაარკვიოს იმაში, თუ როგორ იგება სხვადასხვა ტიპის ტექსტები კომპოზიციურად, როგორ ხდება მუშაობა პერსონაჟების სახეების გამოკვეთასა და სიუჟეტის განვითარებაზე. კურსის განმავლობაში მიმოხილვითი სახით საუბარი იქნება ლიტერატურის სხვადასხვა ჟანრებზე, მათ ძირითად მახასიათებლებზე, განვითარების მთავარ ხაზებზე. კურსის განმავლობაში თეორიასთან ერთად დიდი დრო დაეთმობა პრაქტიკულ სამუშაოს. ტრენერი შეეცდება ინდივიდუალურად იმუშავოს თითოეულ მსმენელთან იმ ჟანრის ტექსტებზე, რომელიც მას განსაკუთრებით აინტერესებს და დაახვეწინოს კომპოზიციურად და სტილურად კურსის მიმდინარეობისას შექმნილი ნაწარმოებები.

მსმენელების კატეგორია – ჟურნალისტები, სცენარისტები, პრ-ის სფეროს სპეციალისტები, მწერლები, ჰუმანიტარული, სოციალურ მეცნიერებათა მიმართულების სტუდენტები, სფიჩრაითერები

სწავლების ფორმა – საღამოს დასწრებით კურსები;

მეთოდოლოგია – თეორია, პრაქტიკული სამუშაოები, დისკუსია.

ტრენერი – შოთა იათაშვილი, მწერალი, კრიტიკოსი, რედაქტორი.

სილაბუსი

1. თეორია – მხატვრული ტექსტის კომპოზიცია:

– ნაწარმოების აგებულება, მისი შემადგენელი ნაწილების განლაგება და ურთიერთშეფარდება.

– კომპოზიციის ელემენტების განხილვა: ექსპოზიცია, პროლოგი, ეპილოგი, კულმინაცია, კვანძის გახსნა.

– კომპოზიციის განხილვა მხატვრული ლიტერატურის კლასიკური ნიმუშების მიხედვით.

პრაქტიკული სამუშაო

2.

3. თეორია – მინიატურა, ნოველა, მოთხრობა.

– სიუჟეტის ტიპები.

– სიუჟეტის აგება.

– სიუჟეტის განხილვა მხატვრული ლიტერატურის კლასიკური ნიმუშების მიხედვით.

– პერსონაჟის სახეზე მუშაობა.

პრაქტიკული სამუშაო

თეორია – იგავ-არაკი, ზღაპარი.

– ზღაპრის და იგავ-არაკის ფოლკლორული წყაროები.

– მითის, თქმულების და ზღაპრის განმასხვავებელი ნიშნები.

– ხალხური ზღაპარი, კლასიკური ლიტერატურული ზღაპარი და თანამედროვე ზღაპარი: მსგავსებები და განსხვავებები.

– ალეგორიულობა, ცხოველთა ეპოსი

პრაქტიკული სამუშაო

4. თეორია – ჟანრული ლიტერატურა.

– ჟანრული ლიტერატურის ჩამოყალიბების ისტორიული ეტაპები და საფუძვლები.

– დეტექტივი, საშინელებათა ლიტერატურა, თრილერი.

– ფანტასტიკა, ფენტეზი.

– უტოპია, ანტიუტოპია.

– სასიყვარულო რომანი, ეროტიკული რომანი.

პრაქტიკული სამუშაო

5. თეორია – თეატრალური პიესა.

– ისტორიული ხაზი: ანტიკური დრამატურგია, კლასიკური დრამატურგია, თანამედროვე დრამატურგია: მოდერნიზმი, აბსურდის თეატრი.

– დრამატურგიის ჟანრები: ტრაგედია, კომედია, ტრაგიკომედია, ფარსი, სოციალური დრამა.

– პიესის მუდმივად თანამდევი კომპონენტები.

პრაქტიკული სამუშაო

6. თეორია – სცენარი. კინოსცენარი, ტელესცენარი. დოკუმენტური ფილმი, მხატვრული ფილმი.

– სცენარის ფორმატი. მსგავსება და განსხვავება თეატრალურ პიესასთან.

– სცენარის აგება.

– სცენარისტის თანამშრომლობა რეჟისორთან.

პრაქტიკული სამუშაო

7. თეორია – ბლოგი, წერილი, ესე.

– ესეისტური ლიტერატურის ჩამოყალიბების პერიოდები.

– ბლოგი, როგორც ლაკონური ესეისტიკის თანამედროვე ფორმა.

– ბლოგზე მუშაობის პრინციპები.

პრაქტიკული სამუშაო

8. მონაწილეების ტექსტების პრეზენტაცია

შეჯამება

სერტიფიკატი

პროგრამის წარმატებით დასრულების შემთხვევაში კურსდამთავრებულს გადაეცემა კეტტარი აკადემიის სერტიფიკატი